أخبار عاجلة
السيسي مُعاتباً وزير التنمية المحلية بسبب مخالفات المباني: “بتشيلوا حتة من البلكونة وخلاص” (فيديو)

السيسي مُعاتباً وزير التنمية المحلية بسبب مخالفات المباني: “بتشيلوا حتة من البلكونة وخلاص” (فيديو)

علق الرئيس عبدالفتاح السيسي، على صور عرضها اللواء محمود شعراوي، وزير التنمية المحلية، خاصة بإزالة أراضي الدولة المعتدي عليها من قبل المواطنين، فظهرت صورة الإزالة لوجه مُهشم للعقار فقط.

وقال السيسي: إحنا مش جايين نتفرج ونفرج الناس على مخالفات بنهدها، وإحنا اتكلمنا في الموضوع ده سنوات كتير جدًا، وصورة زي دي مش مناسب نعرضها.

وخلال افتتاح مشروع “بشائر الخير 3 بالإسكندرية تابع السيسي: الموضوع ده اتكلمنا فيه كتير خلال السنوات اللي فاتت وبنتكلم فيه مرة تانية، ده مؤسسة دولة مش لازم أقول نزيل بشكل كامل، الصورة اللي فاتت كان العقار يتم إزالة منه البلكونات وجزء منها وخلاص، وبقت فيه ثقافة للتعامل مع الموضوع.

واستطرد السيسي: ده كلام كان موجود ويمكن يكون موجود لحد دلوقتي، عشان كده بقول المحافظ ليه سلطات، مش أنا اللي بديله السلطات، دي الدولة والقانون هو اللي بيوفر له السلطات، أنا لما أدي توجيهات للمحافظين بقول فعّل سلطاتك، مش بقوله أعمل ده ولا متعملش ده، انت ليك سلطات.

ويشهد السيسي افتتاح المرحلة الثالثة لمشروع بشاير الخير، ويأتي مشروع بشاير الحير 3 استكمالًا لمشروع بشاير الخير 1 وبشاير الخير2، ويعد نقلة نوعية لتوفير السكن الملائم والمناسب لمواطني منطقة “مأوى الصيادين” العشوائية.

ويضم بشاير الخير 3 قسمين الأول منطقة الأهالى وتم تنفيذها على مساحة 105 أفدنة؛ تضم 200 عمارة سكنية بواقع 10 آلاف و 624 وحدة سكنية، ومن المستهدف أن يستفيد أكثر من 50 ألف مواطن من ذلك المشروع، حيث تم إنجاز المشروع في عامين ونصف العام؛ شارك فيه أكثر من 75 شركة مصرية.

وأما عن القسم الثاني من المرحلة الثالثة لبشاير الخير 3 منطقة استثمارية علي مساحة 3 فدانًا، تضم مجمع سينمات وبنوك.

وتضم المرحلة الثالثة من بشاير الخير، 16 بلوك استثماري يشمل البلوك الواحد دورين تجاري أرضي محلات والأول مول بإجمالي مساحة 28 ألف متر مربع و12 دور سكني بإجمالي 1536 وحدة سكنية تبلغ مساحة الوحدة السكنية 90 مترا، كما يضم 11 قاعة متعددة الأغراض من بينهم 8 قاعات بمسطح حوالي 1000 متر مربع و3 مسطح حوالي 2000 متر مربع.

بالإضافة إلى 39 مسطحًا تجاريًا مختلف المساحات بمتوسط 175 متر مربع بالواجهة الأمامية أسفل قاعات الأفراح، و64 مسطح تجاري مختلف المساحات بمتوسط 30 متر مربع بالواجهة الخلفية أسفل قاعات الأفراح وألف باكية جراج انتظار سيارات.

نبذة عن الكاتب

محررة صحفية عملت في العديد من المواقع والصحف المصرية لديها خبرة في العمل الاعلامي .. مهتمة بالتحليل السياسي

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: